كۆنووسی دووەمین كۆبوونەوەی لیژنەی گازاندەكان

posted Sep 12, 2017, 9:57 PM by Hardawan Mahmoud

كۆنووسی دووەمین كۆبوونەوەی لیژنەی گازاندەكان لە پرۆسەی دڵنیایی جۆریی زانكۆی سەلاحەددین

ساڵی خوێندنی 2016-2017

ڕێكەوت: یەك شه‌ممه 8/8/2017.      

كات: 11:00ی سەرلەبەیانی                 

شوێن: بەڕێوەبەرایەتی دڵنیایی جۆریی/ سەرۆكایەتی زانكۆی سەڵاحەدین.

سەرەتا بەڕێز (د. نبیل عادل فخری) بەرێوەبەری دڵنیایی جۆری زانكۆ بەخێرهاتنى ئامادەبووانی كرد، ‌ پاشان ده‌ستخۆشى لە ئەندامانی تیمی دڵنیایی جۆریی لە سەرۆكایەتی زانكۆ، هەریەك لە بەڕێزان (د. حيدر عبدالله حداد)، (د.هجران  صنعان جبار)، (م.هەردەوان مەحمود كاكەشێخ)، (م.ی.توانا محمد علی)، (م.ی.كانیاو اسماعیل محمود) كرد. بەرامبەر ئەو هەوڵ و كۆششەی داویانە بۆ وەڵامدانەوەی گازاندەی مامۆستایان لە ئەنجامەكانی پرۆسەی دڵنیایی جۆریی، هيواى بەردەوامی و سه‌ركه‌وتنى بۆ خواستن، پاشان ئەم خاڵانه‌ی خوارەوە تاووتوێكرا:

یەكەم: پاش وردبینی كردن لە دروستی ئەو زانیارییانەی كە لە كۆلێژەكانەوە نێردراون و تایبەتن بەمامۆستایان و ستافی ئەكادیمی بەشە زانستییەكان، ئامادەكردنی داتاشیتی مامۆستایان بەجۆرێك كە لە پرۆسەی ڕیزبەندی نیشتمانی زانكۆكاندا بەئاسانی داتاكان داخڵ بكرێت بەبێ هیچ گرفتێك.

دووەم: سەبارەت بە بەرزكردنەوەی ئاستی زانكۆمان لە پرۆسەی ڕیزبەندی نیشتمانی زانكۆكاندا، ئەم پێشنیارانە بەگرنگ دەزانین كە كاری جدی لەسەر بكرێت:

1-ڕاسپاردنی بەرپرسی لیژنەی تاقیكردنەوەكانی هەمووی كولێژەكان كە ئەنجامی تاقیكردنەوەكانی خولی دووەم بەشێوەی ئەلیكترۆنی و لەسەر "سەبدۆمەین"ی وێبسایتی زانكۆی سەڵاحەدین بدرێتەوە بەقوتابیان نەك لەوێبسایتی تایبەت بەخۆیان، بۆ ئەم مەبەستە پێشنیاردەكەین بەڕێز سەرۆكی زانكۆ ئەنجامەكانی خولی دووەم پەسەند نەكات تاوەكو كۆلێژەكان ئەم پابەند دەبن بەجێبەجێكردنی ئەم خاڵەوە. ئەمەش كاریگەرییەكی زۆر ئەرێنی لەسەر بەرزبوونەوەی ڕانكی وێبسایتی زانكۆمان دەبێت.

2- ڕاسپاردنی بەرپرسی لیژنەی تاقیكردنەوەكانی سەرجەم كۆلێژەكان كە خشتەی چاودێری كردنی مامۆستایان بۆ تاقیكردنەوەكانی خولی دووەم تەنها لە ڕێگەی وێبسایتی زانكۆوە  بڵاوبكرێتەوە، تاوەكو سەرجەم مامۆستایان بۆ زانینی ڕۆژەكانی چاودێریكردن لە هۆڵەكانی تاقیكردنەوە لە ڕێگەی وێبسایتی زانكۆ تەماشا بكەن.

3- ڕاسپاردنی بەرپرسی لیژنەی تاقیكردنەوەكانی سەرجەم كۆلێژەكان كە خشتەی تاقیكردنەوەكانی خولی دووەم تەنها لە ڕێگەی وێبسایتی زانكۆوە  بڵاوبكرێتەوە بۆ قوتابیان.

4- ڕاسپاردنی بەرپرسی لیژنەی تاقیكردنەوەكانی سەرجەم كۆلێژەكان كە پێشكەشكردنی گازاندە لە ئەنجامی  تاقیكردنەوەكانی خولی دووەم تەنها لە ڕێگەی وێبسایتی زانكۆوە  ئەنجام بدرێت.

سێیەم: سەبارەت بە دروستكردنی ئیمەیڵی زانكۆیی بۆ سەرجەم قوتابیانی كۆلێژەكان، پێشنیار دەكەین بەرپرسی تۆماری سەرجەم كۆلێژەكان ڕابسپێردرێن بەهەمانهەنگی لەگەڵ سەنتەری ئای تی زانكۆمان، ئیمەیڵی زانكۆیی بۆ سەرجەم قوتابیان دروست بكرێت، بۆ ئەو مەبەستەش پێشنیار دەكەین پرۆسەكە لە 4/9/2017 دەست پێبكرێت تاوەكو 4/11/2017. چونكە بەپێی ڕێنماییەكانی وەزارەتی خوێندنی باڵا بۆ ساڵی خوێندنی 2017-2018 پێویستە هەموو قوتابییەك ئیمەیڵی تایبەت بەخۆی هەبێت.

چوارەم: ڕاسپاردنی سەرجەم ڕاگری كۆلێژەكان كە ڕێنمایی وەرگرتن لەسەر وێبسایتی زانكۆی سەڵاحەدین بڵاوبكەنەوە سەبارەت بەو بەشانەی كە بەشێوەی وەرگرتنی ڕاستەوخۆ قوتابی وەردەگرن.

پێنجەم: سەبارەت بە دەستخستنی كۆرسبووكی بابەتەكان لەلایەن قوتابیانەوە، پێشنیار دەكەین سەرجەم كۆلێژەكان ئاگاداربكرێنەوە كەوا قوتابیانی سەرجەم بەش و قۆناغەكان ئاگادار بكەن، بۆ دەستخستنی كۆرسبووكی بابەتەكان سەردانی وێبسایتی بەڕێوەبەرایەتی دڵنیایی جۆریی زانكۆ بكەن. ئەمەش هەنگاوێكی گرنگە بۆ ئاشناكردنی وێبسایتی زانكۆ بە قوتابیان.

شەشەم: سەبارەت بە نووسراوی گشتاندنەكان، پێشنیار دەكەین بۆ لەمەودا هەوڵبدرێت نووسراوە لە ڕێگەی ئیمەیڵی زانكۆوە گشتاندنی پێبكرێت، ئەمەش یارمەتیدەرێكی باش دەبێت بۆ ئەوەی سەرجەم كۆلێژەكان ویستی بەكارهێنانی ئیمەیڵ و كردنەوەی وێبسایتی زانكۆ بەهەند وەربگرن.

حەوتەم: ڕاسپاردنی ڕاگری خوێندنی باڵا كە فۆرمی پێشكەشكردنی داواكاری بۆ خوێندنی ماستەر و دكتۆرا بەشێوەی ئۆنلاین لەڕێگەی وێبسایتی زانكۆوە ئەنجام بدرێت.

هەشتەم: ڕاسپاردنی ڕاگری سەرجەم كۆلێژەكان كە فۆرمی سەروانەی زێدەكی بەشێوەی ئەلیكترۆنی و ئۆنلاین پڕبكرێتەوە.

نۆیەم: ڕاسپاردنی سەنتەری ئای تی زانكۆ، كە بۆ هەر مامۆستایەك سەبدۆمەینێك لەسەر وێبسایتی زانكۆ دروست بكرێت و لینك بكرێت بە پرۆفایلی مامۆستاوە، بەجۆرێك كە سەبدۆمەینی هەموو مامۆستایان پۆلێن بكرێت بەسەر كۆلێژو بەشەكاندا.

دەیەم: ڕاسپاردنی سەنتەری ئای تی زانكۆ بۆ ئەوەی كار بۆ ئەوە بكرێت كە پرۆسەی فیدباكی قوتابی بۆ ساڵی داهاتوو بەتەواوی بكرێتە ئۆنلاین و ئەلیكترۆنی.

یازدەیەم: سەبارەت بە ئەرك و ماندبوونی لیژنەی گازاندەكانی پرۆسەی دڵنیایی جۆریی، پێشنیار دەكەین (75)كاتژمێر وانەی زێدەكی بۆ ئەندامانی لیژنەی گازاندەكان هەژمار بكرێت، لە بەرامبەر كاركردنی بەردەوامیان لە پشووەكانی مانگی تەمموز و مانگی ئاب.

ئامادەبووانى كۆبوونەوەكە ئەم بەڕێزانەی خوارەوەبوون:

ژ

ناو

 كۆلێژی

ئیمێل

1

پ.د.نبیل عادل فخری

بەڕیوەبەر

nabil.fakhre@su.edu.krd

2

د. حيدر عبدالله حداد

زانست

Haider.haddad@su.edu.krd

3

د.هجران  صنعان جبار

زانست

hijran.jabbar@su.edu.krd

4

م.هەردەوان محمود كاكەشێخ

ئه‌ده‌بيات

hardawan@su.edu.krd

5

م.ی. كانياو اسماعيل محمود

كشتوكاڵ

kanyaw.mahmud@su.edu.krd

6

م.ی.توانا محمد علی

كشتوكاڵ

twana.ali@su.edu.krd


به‌م شێوه‌يه‌ دواى دوو كاتژمێر كۆبوونه‌وه‌كه‌ كۆتايى هات، لە كۆتایدا كۆبوونەوەكە داخرا.

 

 

م.هەردەوان مەحمود كاكەشێخ

       بڕیاردەری لێژنە       

             پ.د.نبیل عادل فخری

             بەڕێوەبەری دڵنیایی جۆری زانكۆ

 

 

 

 

 

 

 

 

 

 

 

 

Comments